شوبير ينتقد بيراميدز بعد الخسارة في دوري الأبطال

انتقد أحمد شوبير نجم الأهلي السابق فريق بيراميدز بعد الخسارة أمام الترجي التونسي أمس.

وخسر بيراميدز أمام الترجي التونسي بنتيجة 2-0 في مباراة ضمن إطار الجولة الثالثة من دور المجموعات لدوري أبطال أفريقيا.

وقال شوبير في تصريحات إذاعية:"أنا مش عارف أيه اللي بيحصل لفريق بيراميدز في أفريقيا أيه الحدوتة معاه في دوري الأبطال، من حسن الحظ إن مجموعته سهلة ومش هيكون عنده مشكلة في التأهل وهيكون هو والترجي المتأهلين عن المجموعة".

وأضاف:"كمان في الجولة اللي فاتت بيراميدز اتعادل مع دجوليبا في مالي، ومن حسن حظه إن معندوش جمهور يثور ضد الفريق، ولولا الشناوي لكن خسر إمبارح 4 أو 5".

وتابع:"مش هو ده بيراميدز الفتوة اللي بنشوفه في مصر، إمكانياته الفنية والمادية تقول إن هو أحسن من كده بكثير، عمومًا الجولة الجاية عنده الترجي هنا في مصر لو خسر هتكون مشكلة، عشان ممكن دجوليبا يكسب ساجرادا والمجموعة تتلخبط".

واختتم شوبير:"أنا مندهش جدا الحقيقة من أداء بيراميدز في البطولة الأفريقية وأرجو يعيدوا تنظيم الفريق من أول وجديد".