تحدث أحمد شوبير نجم الأهلي السابق عن المباراة المقرر لها مساء اليوم في نهائي كأس مصر بين الزمالك وبيراميدز.

وقال شوبير عبر إذاعة "أون سبورت إف إم":" الزمالك بيراهن النهاردة على فكرة الاستحواذ والتسديد من الخارج، وأنتوا فاكرين كان البعض يقول لك أحمد الشناوي استقبل أهدافا من تسديدات سهلة، لكن أرجع تاني وأقول إن أحمد الشناوي عمل مباراة رائعة في نهائي أفريقيا".

وأكمل:" المباراة متكافئة جدا ولا تقول لي بيراميدز فايق ولا الكلام ده كله هو بيلاعب الزمالك باسمه وتاريخه وجماهيره مش أي منافس".

وتابع:" طيب مدى دور الجمهور في المباراة دي، الجمهور يعني الزمالك، والجماهير اللي تواجدت في مباراة بيراميدز ضد صن داونز دي حاجة تانية ده كان شحن دولة عشان مهمة وطنية وبيراميدز بيلعب نهائي القارة، إنما النهاردة بالكثير قوي هيكون له 2000 مشجع إنما الاستاد كله هيكون جماهير الزمالك".

وأضاف:" نتمنى نشوف مباراة من العيار الثقيل وتنافس رياضي شريف، ونشوف ناس ترد على كل الإشاعات في الفترة اللي فاتت بعد مباراة الزمالك وبيراميدز في الدوري، واللي مش عارف آيه حصل في ماتش الدوري وهدف آيه والقصة أيه، وأنا واثق إن ده هيحصل إن شاء الله".