ميدو يهاجم نجم الأهلي

شن أحمد حسام ميدو نجم الزمالك السابق هجوماً عنيفاً على نجم الأهلي كهربا كما أكد أن ما قامت به جماهير الأهلي قبل مباراة شباب بلوزداد لا يوجد به أي خطأ.

وهاجمت جماهير الأهلي لاعبي الأحمر قبل مباراة شباب بلوزداد التي أقيمت أمس بسبب خسارة الفريق كأس التحدي ببطولة كأس الإنتركونتننتال أمام باتشوكا المكسيكي.

وفاز الأهلي على شباب بلوزداد أمس الأحد بنتيجة كبيرة 6-1 في مباراة ضمن الجولة الثالثة من دوري أبطال أفريقيا.

وقال ميدو عبر منصة "إكس":"من حق المشجع اللي هو أكثر واحد بيتأثر نفسياً بأي نتائج سلبية أو بأي تصرفات تقلل من النادي صدرت من أي شخص داخل المنظومة إنه يعبر عن غضبه طالما الغضب ده مافيهوش أي سب لأي شخص ولكن غضب عن طريق إيصال رسائل إلى الادارة والجهاز واللاعيبة وده اللي عملوا فعلا جمهور الأهلي قبل الماتش ورد فعل اللاعيبة كان عظيم بالفوز الكبير وطبيعي إن الجمهور لما يلاقوا لاعيبتهم موتوا نفسهم في الملعب إنهم يحيوهم بعد الماتش علشان يقفلوا الصفحة ويوصلوا للاعيبة رسالة إن بفوزك النهاردة الكبير الصفحة اتقفلت ومش هنقبل إلا بالأداء والنتائج دي".

وتابع:"هي دي عقلية مشجع الأندية الكبيرة مفيش غيرها وعقلية المشجع دي هي اللي بتتنقل لكل فرد داخل المنظومة وهي أساس نجاح أي نادي كبير.. كان لازم اللاعيبة تروح تحيي الجمهور ويفهموا إن جمهورهم معاهم مش ضدهم إنما إيه اللي حصل؟ مين المستفيد الأكبر إن يكون في خلاف ما بين الجمهور والمجموعة علشان مايبقاش شايل الليلة لوحده؟ مين ورط الشناوي واللاعيبة في مشكلته مع الجمهور؟ الحقيقة هو لاعب واحد فقط وجوده سرطان داخل أي فريق هو كهربا وهو فعلا كما قلت من قبل وبعض من أصدقائي الاهلاوية زعلوا مني قرار التوقيع معاه اكبر غلطة في تاريخ الأهلي!! ".