شوبير يهاجم محمد الشناوي

هاجم أحمد شوبير نجم الأهلي السابق محمد الشناوي بسبب تصرفه في مباراة منتخب مصر أمام الرأس الأخضر.

وتعادل منتخب مصر مع الرأس الأخضر بنتيجة 1-1 وحصل محمد الشناوي على انذار في نهاية المباراة ليغيب عن مباراة المنتخب الوطني أمام بوتسوانا.

وقال شوبير في تصريحات إذاعية:"عندي تحفظ على حاجة حصلت في مباراة الرأس الأخضر أنت لاعبت محمد الشناوي هناك عشان خبرة أنت شايف فيه غيابات كثيرة ومديله عشان خبرة موافقك الرأي وأهلا وسهلا رؤية مدرب وشيء جميل".

وتابع:"بس طبيعي يعني مش أنت مش هتلاعب الشناوي المباراة اللي في مصر، فأيه لازمة في آخر المباراة اخد انذار تاني عشان أبقى بره الماتش كده كده بنهاية التصفيات الإنذارات بتسقط لو فيه مباراة بعدها في التصفيات ومحتاج أغيب المباراة دي مثلا هقول ماشي".

وأضاف شوبير:"القصة مش حدوتة وقيمة الشناوي وقامته معروفة فأنا محبتش اللي حصل حركة ملهاش لازمة من وجهة نظري أنا الشخصية وكل واحد وله تفكيره".