شوبير يتحدث عن مشاركة فتوح في السوبر الأفريقي

تحدث أحمد شوبير نجم الأهلي السابق عن مشاركة أحمد فتوح نجم الزمالك في مباراة السوبر الأفريقي بعد الإفراج عنه.

ويلتقي فريقا الأهلي والزمالك يوم الجمعة المقبل الموافق 27 من سبتمبر الجاري في مباراة كأس السوبر الأفريقي.

وقال أحمد شوبير في تصريحاته: "امبارح المحكمة أفرجت عن أحمد فتوح بكفالة 50 الف جنيه وعنده جلسة يوم 22 أكتوبر هذا رأى قضاء وأنا في البداية قولت يا جماعة حرام عليكم اصبروا وشوفوا الدنيا شكلها أيه عشان ناس كثير جدا ضغطت على فتوح وهو مر بأزمة عنيفة جدا".

وأوضح: "طبعا قبل أي شيء البقاء والدوام لله في الضحية ده موضوع محسوم بنسبة 100 في المائة وهناك قانون ودية لأهله ومسائل قضائية بحتة، ونحن في النهاية نلتزم بما يصدر من أحكام القضاء سواء أحكام مؤقتة أو دائمة".

وتابع: "لكن من البداية بعد قرار الإفراج زيطة وهيصة بسبب فتوح، إمبارح ربنا فك كربه وتاني ربنا يكون في عون أسرة المتوفي، لكنه أول ما القرار اتاخد انقسمنا إلى معسكرين، اللي يقول لك هو هيلعب السوبر، سوبر أيه دلوقتي خلي الولد بس يطلع يشم نفسه وكورة أيه دلوقتي أنت عارف يعني أيه بقاله شهرين مقيد الحرية بسبب حادث وهو مخطيء وكل حاجة، لكن يا أخي قول له حمدالله على السلامة".

وأضاف: "واحد تاني يقول لك لأ ما يلعبش السوبر أيه هو فيه أيه هو قلبنا اتنزع مننا للدرجة دي، هو الأساس يلعب السوبر ولا ميلعبش هو أيه اللي حصل لنا الدنيا عملت أيه فينا، أنا مش مصدق والله، الناس تقول إن شاء الله الموضوع يعدي على خير".