إبراهيم سعيد يهاجم نجمي منتخب مصر

هاجم إبراهيم سعيد نجم النادي الأهلي السابق نجمي منتخب مصر بعد الأداء الضعيف في مباراة أمس أمام منتخب كاب فيردي في تصفيات كأس الأمم الأفريقية 2025.

وانتهت المباراة بفوز الفراعنة بنتيجة 3-0.

وقال إبراهيم سعيد عبر قناة "النهار":"تشكيلة المنتخب أمام كاب فيردي لم يكن بها سوى 4 لاعبين بارزين فقط، وهم الشناوي ورامي ربيعة ومروان عطية وعمر مرموش، ومع احترامي لباقي الفريق لم يظهروا بالمستوى المطلوب ومن ضمنهم محمد صلاح".

وأضاف:"ولكن أهم حاجة المكسب الحمدلله واللعيبة ممكن متبقاش جاهزة عشان في بداية الموسم، بشكل عام بداية مطمئنة ونتمنى أن حسام حسن يعمل قوام أساسي، واللي مش محتاجه استبعده".

وتابع:"محمد حمدي ومحمد هاني عليهم علامة استفهام كبيرة، على الرغم من أن حمدي عنده فرصة أنه يبقى رقم واحد في الظهير الأيسر ولكن مستواه بعيد، مش مستوى لعيب منتخب مصر الصراحة، ولا في حركة ولا تمركز ولا عرضية والباص بتاعة غلط، لدرجة في فاول في نص الملعب بيباصي للخصم".

وزاد:"محمد هاني، تحس أنه مريح ومروق على حاله ومش شايل هم أنه ممكن يقعد دكة، لازم تجيب عمر كمال عبدالواحد عنده السرعة والمهارة وأحسن واحد بيلعب كروسات، مش شايف لعيبة كاب فيردي بيقدموا حركة وسرعة، الكرة اتطورت لازم تشوف حل للأزمات دي في الهجوم والدفاع للظهيرين الأيمن والأيسر".