وجه رضا العزب لاعب الزمالك السابق انتقاداً لحسام حسن مدرب منتخب مصر بسبب اختياراته لقائمة معسكر المنتخب الوطني.

وقال رضا العزب عبر قناة "النهار":"حسام حسن لم يوجد حلولا في مركزى الظهير الأيمن والأيسر، كان قدامه عمر كمال عبدالواحد قدم موسم جيد من النادي الأهلي وبيلعب ظهير أيمن وأيسر وسجل 6 أهداف".

وأضاف:"مشكلة كابتن حسام حسن إنه بيحسب الموضوع حب وكره، وخده المعسكر اللي قبل ده عشان خاطر الجماهير ولكن هو مش عايزه، مفروض عمر كمال يلعب مكان هاني، وزيزو أفضل الخيارات الآن في المنتخب في مركز الظهير الأيمن".

وأكمل:"حسام حسن لما كان مدرب المصري البورسعيدي، كان بيطالب أن عمر كمال لازم يروح منتخب مصر عشان هو أحسن لاعب في النادي البورسعيدي، وحابب أقوله إنت مش ماسك نادي إنت ماسك منتخب مصر".

وأردف:"مفروض لو في لعيب بكرهه ولكن هيكسبني في المباريات لازم أخده، عمر كمال مفروض تاخده وإنت مغمض، ومباراة كاب فيردي خير دليل".