تحدث إبراهيم شيكا لاعب الزمالك السابق في تصريحات تليفزيونية عن تخلي لاعبي فريق الزمالك عنه خلال علاجه من مرض السرطان.

وقال إبراهيم شيكا عبر فضائية "النهار":" أنا ماشي حاليًا على بروتوكول علاج كيمياوي، لتصغير حجم الورم، ممكن في مرة يكون معايا فلوس أدفع ثمن جرعة الكيماوي، وفي جرعة تانية ممكن أبيع حاجة من البيت عشان أكمل الفلوس".

وأضاف:" أنا متجوز وعندي طفلين، ومطلوب مني إيجار شقة وأكل وشرب ومصاريف الطفلين، وأنا مش بعرف اشتغل بسبب جلسات الكيماوي، ومطلوب مني ده كله".

وتابع:" محدش وقف جنبي وكله باعني، أنا 75% من علاجي نفسيًا، فجأة كله باعني ومفيش جنيه طلعلي من نادي الزمالك مع إني سمعت كلام من زملاء ليا إن لعيبة الزمالك اتكلموا مع بعض وهيطلعولي حاجة، مفيش حد فيهم حتى قالي ألف سلامة عليك".

وأتم:" أنا كنت سمعت قبل مباراة الزمالك الأولى في الكونفدرالية إن زيزو، اتكلم مع اللعيبة في أوضة اللبس وقالهم (لازم نعمل حاجة عشان إبراهيم شيكا) كنت منتظر بعد المباراة الأولى في الكونفدرالية حد يكلمني من اللعيبة لكن مفيش حد كلمني".