انتقاد حاد من إبراهيم سعيد لجمهور الزمالك

تحدث إبراهيم سعيد نجم الأهلي ومنتخب مصر السابق في تصريحات تليفزيونية عن أداء الزمالك في المباريات الأخيرة ولاعبي الفريق الأبيض وعن منتقديه من جمهور نادي الزمالك.

وقال إبراهيم سعيد عبر برنامج "بلس 90" على قناة "النهار":"الزمالك بعيد عن المنافسة، بس عايزين نشوف شكل الزمالك اللي عارفينه، الناس بتفضل تهاجمني بس هل جمهور الفارس الأبيض مبسوط بالهزيمة والخسارة والنتائج السيئة دي، حتى لو مفيش لعيبة بس أنت عندك خبرات وعناصر مميزة".

وأضاف:" عيب إني كنادي الزمالك أنزل أخسر من أي حد، هل الجمهور مبسوط بالأداء الوحش، مفروض أن نادي الزمالك على مر التاريخ هدفه الفوز".

وأكمل:" الزمالك عند مشكلة في الملعب، ولو على المشكلات الإدارية فمجلس الإدارة بيحاول يحل الغرامات والمستحقات وغيره، وبنشيد باللعيبة بنادي الزمالك زي عبدالله السعيد، ومحمود الشناوي حارس المرمى الواعد، وعمر جابر وغيره".

وأتم:" أنا بتكلم بخبرتي في الملعب والحياة، كنا بنلعب قصاد 100 ألف مشجع، الـ30 ألف اللي بتشوفوهم دلوقتي دول كانوا بيحضروا التمرين بس، عشان كدة بتكلم بوجهة نظري وخبرات جوا الملعب، وليا أسمي ووضعي محدش يقدر يعدل عليا".