تعليق ناري من نجم الزمالك السابق على صفقات النادي

السبت 20-07-2024

وجه أيمن عبد العزيز نجم الزمالك السابق تعليقاً نارياً على الصفقات التي أبرمتها إدارة الأبيض في فترة الإنتقالات الماضية.

وقال أيمن عبد العزيز عبر برنامج "اللعيب":"صفقات كتير لكن؟ ملهاش لازمة، لازم في تقييمك للاعب اللي هتمشيه إن عندك بديل في نفس الكفاءة أو أفضل منه".

وأضاف:" محمود علاء مش من اللاعيبة اللي كان ينفع تمشي، كانت حصلت له مشكلة بسبب السوشيال ميديا، الناس ضغطت عليه ووصلته لمرحلة فقدان الثقة. لما تيجي تقارنه بالناس اللي موجودة في الدوري هو أفضلهم".

وأكمل:" الصفقات ملهاش لازمة مبقصدش المعنى، أنا أقصد المعنى إنها هتعملك مشاكل، فكرة تجيب يعقوبو عشان يدخل منافسة مع أحمد فتوح وانت جددت لفتوح، هل فتوح يقعد احتياطي؟".

وتابع:" فتوح لما يرجع يلعب هتعرف تقعده؟، يبقى أنت خسرت واحد أجنبي بمبالغ كبيرة، ونفس المشكلة إن الأجانب اللي بتجيبها مش في نفس مكانهم وتوقيتهم".