مودي شلاطة خارج حسابات الأهلي خلال الفترة المقبلة
أكدت الإعلامية ريهام حمدي، عبر برنامج "ملعب أون"، أن مودي شلاطة نجم نادي القناة خارج حسابات النادي الأهلي وأن الأحمر لا يسعى لضمه خلال الفترة المقبلة.
وقالت ريهام حمدي: "شلاطة مقدم مستويات مميزة جدًا مع الفريق خلال الفترة الأخيرة، وتحديدًا بداية من ماتش الأهلي، بدأ ينور ويظهر بشكل حلو أوي، وهو لاعب متميز".
وأضافت: "في كلام كتير اتقال عن جلسة حصلت ما بين النادي الأهلي والوكيل بتاعه، وإن الأهلي عايز يضم اللاعب خلال الفترة الجاية، لكن بأكد لك إن مفيش مفاوضات حصلت خالص، نهائيًا".
وتابعت: "تواصلت مع أكتر من مصدر في الأهلي، واتقالي إن هو لاعب كويس ومميز وكل حاجة، بس إحنا مش بناخد بنتيجة ماتشين تلاتة بس".
واختتمت حديثها قائلة: "إحنا دلوقتي بنبني سكواد لفترة طويلة مع النادي الأهلي، وبنشتغل بسيستم تاني خالص في الفريق، وبالتالي اللاعب مش مرشح نهائي إنه ينضم للأهلي في الوقت الحالي، يعني حتى مش على قائمة الترشيحات بتاعة النادي الأهلي الفترة دي".
عرض التعليقات