شريف إكرامي يوجه رسالة لجماهير الزمالك بشأن بيزيرا

وجه شريف إكرامي، الحارس السابق للأهلي وبيراميدز، رسالة خاصة إلى عشاق نادي الزمالك، تحدث فيها عن حالة الجدل المنتشرة حول مصير البرازيلي خوان بيزيرا مع الفريق الأبيض.

وقال إكرامي عبر حسابه على موقع التواصل الاجتماعي: "خوان بيزيرا مجرد مثال.. يكمل في الزمالك أو لا مش ده الموضوع مهما كان تأثير اللاعب وحتى لو كان سبب في بطولة النادي الكبير بيفضل أكبر من أي لاعب سواء كمل أو مشي".

وأضاف: "الفكرة عندنا إحنا كجمهور بنسهل جدًا على أي لاعب إنه يكسب عاطفتنا.. دمعة بعد ماتش، بوسة للشعار، احتفال حماسي، كلمتين عن الجمهور وفجأة نبدي له مكانة أكبر بكتير".

وتابع شريف إكرامي: "المشكلة مش في اللاعب، إحنا اللي محتاجين ما نخلطش بين التأثر بلقطة، وبين إننا نبني عليها تصور كامل عن علاقة اللاعب بالنادي".

واختتم رسالته قائلا: "مش كل لاعب عرف يكسب عاطفتك يستاهل ثقتك".