نفى الإعلامي أحمد شوبير اقترب رينيه فايلر مدرب الأهلي السابق من العودة لتدريب الفريق الأحمر.

وقال شوبير في تصريحات إذاعية: " جمعتنى مكالمة بعضو مجلس إدارة فى النادى بالأمس وسألته بتفكروه فى إيه؟ قال بنفكر فى الدورى، طيب ياسين منصور وسيد عبدالحفيظ؟ قال عندنا ثقة فيهم، والخطيب حتى لو بيفضل الابتعاد لكن سيظل فى الصورة".

وتابع: " كامويش فعلا كان جاله عرض من ناديه، لكن توروب صمم أنه يكمل لسبب تانى خالص، ووليد صلاح الدين وتوروب أخدوا ثقة كاملة، وسيد عبدالحفيظ هيبقى موجود بشكل مستمر مع الفريق".

وواصل: " أعرف واحد زمان طلع يتجوز على مراته اتجوزها هى هى تانى، ودا بسبب الكلام عن موسيمانى وفايلر، الفرح خلص من زمان خلاص، الأهلى دلوقتي معاه توروب والراجل مكمل، حد رمى اسم فايلر والناس مشيت معاه وخلاص، فايلر هو اللى مشى من النادى الأهلى والنادى قدمله كل حاجة وخلاص مفيش كولر وموسميانى ولا فايلر ولا حاجة".

واختتم: " الأهلى لو فكر هيفكر فى التجديد بس مش هيرجع وراء، حاليًا فى اجتماعات لترتيب البيت من الداخل".