وجه محمود حمدي الونش نجم الزمالك رسالة لجماهير النادي الأبيض بشأن محمد صبحي حارس مرمى الفريق.

وتعرض محمد صبحي للطرد في مباراة أوتوهو الكونغولي في إياب ربع نهائي الكونفيدرالية الأفريقية بعد ضرب لاعب الخصم، ما دفع الحكم لإشهار البطاقة الحمراء مباشرة.

وقال الونش عبر موقع "إنستجرام": " يمكن الكلام اللي هقوله مش هيعجب ناس كتير وعندهم حق بالمناسبة، صبحي غلط وخصوصاً لو الغلط فيه شوية من الاستهتار وانا وقعت في نفس الغلط في ماتش وادي دجلة بس الحمد لله رب العالمين بسبب اللعيبة الرجالة والجمهور العظيم عدينا الموقف الصعب ده".

وتابع: " لازم مننساش ان صبحي من اسباب اننا اقوي خط دفاع في الدوري لحد الان وعواد والمهدي والشناوي، بما اننا بدأنا مع بعض من جهاز فني ولاعيبه وطقم طبي واداري وجمهور كبير ف ظهرنا، لازم في الوقت الصعب نقف جنب بعض لان الصعب لسه جاي".

وأضاف: " وبثقتنا جميعاً باذن الله هنعدي الصعب كله ونفرح كلنا مع بعض بامر الله وتعبنا شكراً".