فجر الإعلامي أحمد شوبير مفاجأة من العيار الثقيل حول قرارات لجنة الانضباط في الاتحاد الأفريقي المرتقبة، بشأن التجاوزات التي حدثت خلال لقاء الأهلي المصري والجيش الملكي المغربي.

وقال شوبير عبر موقع "فيسبوك": " عقوبة الأهلي والجيش الملكي، أنا عندي مفاجأتين، معلوماتي إن في جلسة استماع هتحصل، لو طبقا للوائح الأهلي هياخد ماتش أو اتنين بدون جمهور مع إيقاف التنفيذ، لكن القصة ماشية دلوقتي في سكة غريبة جدًا إن موتسيبي، رئيس الاتحاد الأفريقي، هو اللي بيدور الأمور وعاوز يعمل توازن".

وتابع:" أنا بلفت نظر النادي الأهلي أنه احتمال قائم أو كبير أو وارد إن يبقي في تخطي للوائح، اللوائح بتقول ماتش أو اتنين بدون جمهور مع إيقاف التنفيذ، لكن معلوماتي وأتمنى تكون غلط يعني، موتسيبي عاوز يعمل توازن زي ما وقفت أو منعت جمهور الجيش الملكي أمنع جمهور الأهلي".

وأضاف:" أنا منبه من دلوقتي أهو قد يكون المعلومات غير دقيقة وهو عاوز يعملها توازن ودايما بيبقي في نوع من أنواع التأخير يعني أرجو الأهلي يحط عينه في وسط راسه، الاحتمال الخروج عن اللوائح".