امتدح جمال عبد الحميد نجم الزمالك السابق النادي الأهلي مؤكداً أن موقفه تغير تجاه الأحمر ونجومه بعد وقفتهم فى عزاء نجم الزمالك السابق محمد صبرى.

وقال جمال عبد الحميد عبر برنامج "اللعيب" على قناة "إم بي سي مصر1":" إحنا معرفناش قيمة بعض كلنا، إلا لما محمد صبري توفاه الله. لما لقيت هذا التجمع من الأهلي والزمالك والشباب والفنانين والدنيا كلها في العزاء والجنازة".

وأضاف:" لازم أشكر طبعا سيد عبدالحفيظ ووليد سليمان، اللي حضورا جنازة محمد صبري، وبشكرهم على ذوقهم وبشكر كل نجوم ومسؤولي النادي الأهلي الذين حرصوا على حضور العزاء".

وتابع:" لازم نبتدي من هنا، والناس كلها تعرف إننا بنحب بعض بس في حاجات معينة بتدخل وسطنا. بشكر ربنا سبحان وتعالى على هذا التجمع الجميل".

وأردف:" شوفت طبعا قيمة النادى الأهلى فى هذا العزاء، وبشكر كل النجوم اللى حضروا واللى لم يحضروا وقدموا واجب العزاء عبر حساباتهم الرسمية، زى ما كل الزملكاوية راحوا عزاء الراحل العامرى فاروق، لأن الأهلى والزمالك حاجة كبيرة أوى فى مصر".

وأتم:" موت محمد صبرى ألف بين القلوب، وطبعا لن أتحدث عن النادى الأهلى مرة أخرى، وخلاص موت صبرى غير فينا كلنا".