وجه حسام غالي نجم الأهلي السابق رسالة تحذيرية لييس توروب مدرب الأهلي قبل مباراة الزمالك.

ويواجه الأهلي نظيره الزمالك غداً الأحد في نهائي السوبر المصري.

وقال حسام غالي في تصريحات عبر قناة "أون سبورت":" الأهلي كان مختلف في مباراة سيراميكا، من حيث وقفة لعيبته وهدوءه مفيش تسرع وخطوط قريبة من بعض، بصمات المدرب شوية بدأت تبان إن في تحركات بدأنا نشوفها من نص الملعب مع الوينج".

وأضاف:" قبل كدة كان شوية الدنيا متلغبطة ومساحات بعيدة عن بعض، أما في مباراة سيراميكا في جماعية وهدوء وعدم أنانية عكس السابق كان كل واحد عايز يظهر نفسه للجماهير هو مين".

وتابع:" كل ما توروب ياخد وقت مع الفريق هيكون بشكل أفضل، وعلى مدار الموسم هتشوف الأهلي أفضل من كدة بكتير، متفائل بالمدرب وأعتقد هنشوف نسخة جيدة لـ الأهلي هذا الموسم".

واختتم:" الأهلي ينقصه إن الرتم ما يوقعش الشوط الثاني تحديدًا، بيبدأ الشوط الأول كويس لكن بيقع الشوط الثاني، ومع الفرق الكبيرة مينفعش ده يحصل أبقى مسيطر شوط وشوط تاني متراجع، وبالتالي لازم المدرب يجهز بدايل أقوية يكونوا على نفس الكفاءة".