أول تعليق من علي ماهر عقب الخسارة من الأهلي

الخميس 06-11-2025

تحدث علي ماهر مدرب سيراميكا كليوباترا عن خسارة فريقه من الأهلي بنصف نهائي كأس السوبر المصري.

وخسر سيراميكا من الأهلي بنتيجة 2-1 في مباراة بنصف نهائي كأس السوبر المصري التي أقيمت مساء اليوم الخميس بملعب استاد هزاع بن زايد.

وقال علي ماهر في المؤتمر الصحفي عقب المباراة:" كان لينا فرص كتيرة لكن غاب عنا التوفيق في الفرص التي أتيحت لنا. لكن المهم المجهود الذي تم بذله والروح التي لعبنا بها".

وأضاف:" بتمنى إن كل واحد ياخد حقه ونحس إن في عدالة تحكم المباريات، إحنا بنتعب ونشتغل فعايزين حقنا بس مش أكتر".

وتابع:" لا تعليق على ما حدث.. كل شيء كان واضح وفي تقنية فيديو (فار)، ومش عايز أتكلم أكتر عشان لو اتكلمت هتوقف، المباريات دي بتحسم بالتفاصيل الصغيرة وعملنا كل اللي علينا لكن الجميع شاف اللي حصل".