علق الإعلامي أحمد شوبير على الهجوم الذي تعرض له ييس توروب المدير الفني للأهلي مؤخراً.

وحسم التعادل السلبي نتيجة مباراة الأهلي والمصري البورسعيدي التي أقيمت أمس الأحد ضمن الجولة ال13 من الدوري المصري الممتاز.

وقال شوبير في تصريحات إذاعية:" سيبوني أتكلم بصراحة شوية وقلت الكلام ده كثير وهقوله تاني جماهير الأهلي ليها حق على النادي الأهلي ولا تترك الفريق أبدا لكن مش طبيعي إن كولر يمشي عشان خسر من صن داونز في نصف النهائي، وجه عماد النحاس وخد بطولة الدوري لكن الناس قالت عايزين مدرب أجنبي".

وأكمل:" فالأهلي جاب ريبيرو الإسباني فالراجل جه، وغير طريقة اللعب وتعادل في مباراتين وخسر في مباراة وتقدم على بورتو البرتغالي 4 مرات في كأس العالم، وبعدين خسر مباراة بيراميدز في الدوري وبرضه حدث صياح كبير جدا واتقال ريبيرو لا يصلح فمشي ورجع عماد النحاس وبرضه اترفض من الجماهير وبعدين جه توروب مدرب كبير جدا في عالم كرة القدم ولا نستطيع الحكم عليه دلوقتي".

وتابع شوبير:" هو كل ما حد يزن شوية ويقول لك غير فلان هتروح تغير، عمر إدارة النادي الأهلي ما كانت بتمشي كده، مين اللي بيلعب من جوه النادي في النقطة دي، أكيد معروف وبيلعب لصالح ناس معينة، فلازم إدارة النادي الأهلي تقف وتقول لأ".

وأضاف:" مجلس الأهلي لا يدار إلا من مجلس إدارته جمهور له حقوق لكن مش كل كلمة تتقال لازم نمشّي المدرب ده ونجيب اللاعيب ده والأهلي عودنا دائما على الاستقرار فحتة الاستقرار لازم تكون موجود ومفيش مشكلة تخسر بطولة وتخسر بطولتين وفكرة تجيب لاعيبة ومدرب وتستجيب للضغوط بهذا الشكل يبقى الأمر محتاج وقفة".

ويحتل الأهلي حالياً المركز الثاني بجدول ترتيب الدوري برصيد 23 نقطة.