هاجم أحمد حسام ميدو نجم الزمالك السابق أسامة حسني نجم الأهلي السابق بعد تصريحاته الأخيرة ضد الزمالك.

وقال ميدو في تصريحات تليفزيونية عبر قناة "النهار":" كل الكلام اللي قاله أسامة حسني، غلط وكل الكلام اللي قاله مينفعش يخرج من حد مقرب من مجلس إدارة النادي الأهلي".

وأضاف:" في استسهال في الكلام عن الزمالك من بعض نجوم الأهلي السابقين وعلى العكس هتلاقي كل نجوم الزمالك السابقين بيتكلموا باحترام كبير عن الاهلي في كل الأوقات".

وتابع:" إزاي تطلع في التلفزيون تقول مجلس إدارة الزمالك باع جزء من أرض 6 أكتوبر دون الحصول على التصاريح اللازمة! ده اتهام خطير".

وأكمل:" عشان تطلع تقول كدة لازم يبقى معاك دليل لأنك بتتكلم عن نادي كبير بتتكلم عن نادي الزمالك، مش معنى أن الزمالك ساكت ومستني حقه القانوني يبقى الزمالك مستباح".

وأتم:" انت راجل قريب من محمود الخطيب، لازم تاخد بالك من كلامك، انت بتطالب بحل مجلس إدارة نادي الزمالك، انت كده عايز تهد نادي الزمالك".