كشف الإعلامي أحمد شوبير نجم الأهلي السابق عن حقيقة تقدم عدد من لاعبي الزمالك بشكوى ضد النادي في "فيفا".

وقال شوبير في تصريحات إذاعية:" هقول لكم الكلام اللي فيه إشاعات واللي فيه حقيقة عشان الأمور تبقى واضحة فيه كلام كثير إن اللاعيبة الأجانب في الزمالك عايزين يتقدموا بشكوى في فيفا ضد النادي عشان يفسخوا العقد".

وأضاف:" سألنا في نادي الزمالك قالوا هذا الكلام عار تمامًا من الصحة وأخبار غير صحيحة ولم نتلقى أي اخطار من أي لاعب بهذا الأمر، وهشام نصر نائب رئيس النادي قدّم سلفة 20 مليون جنيه للنادي لدفع مستحقات اللاعبين منها".

وتابع:" أنا عايز أقول لمسئولي الزمالك لو الأزمة المالية دي موجودة، إن اللاعبين الأجانب دول سابوا بلادهم وجم عشان الفلوس، يعني لا شيكو بانزا مولود في نادي الزمالك ولا خوان بيزيرا مولود في ميت عقبة وده أكل عيشهم".

وأتم شوبير:" لازم الزمالك يشوف حلول، والله يكرمكم مش كل ما نكلمكم تقولوا لنا أرض أكتوبر لإن ده ميهمش اللاعيبة هما عايزين فلوسهم بس، وتلاقي حاجات غريبة يقول لك الزمالك خصم من شيكو بانزا هيخصم منه أيه هو قبض أساسا!".