تحدث عماد النحاس المدير الفني للأهلي عن فوز فريقه على سيراميكا كليوباترا بالدوري.

وفاز الأهلي على سيراميكا بهدف نظيف في مباراة أقيمت مساء اليوم الجمعة بالجولة السابعة من الدوري المصري الممتاز.

وقال النحاس في المؤتمر الصحفي عقب المباراة:" مبروك الأول على الجماهير، تضييع الفرص شئ إيجابي ما دام بتوصل للجول دي حاجة كويسة، الاهدار بيبقى سوء توفيق لكننا نعمل على تحسينها".

وعن عدم اقتناعه بلاعب الفريق جراديشار قال النحاس:" مفيش حاجة اسمها عدم قناعة بقدرات جراديشار بنتكلم على لاعب محترف لو مفيش قناعة مش هيكون موجود معانا، ماعندناش حد مش مقنع في الفريق".

وعن الإصابات العديدة في صفوف الأحمر قال:" شغل الجهاز الطبي بس ممكن يكون الجهد المبذول اكبر، لكن إصابة بيكهام بسيطة بن رمضان اشتكى لكن كمل لنهاية المباراة".

وأضاف:" لدينا لاعبين نقدر نكمل بيهم وان شاء الله مش هنحس بالغيابات دي، لا أتحدث عن الحكام في طبيعي تحدثت من قبل لكن كان ممكن يكون فيها قرار أو لا، في حكم في الملعب وفي تقنية فيديو لو ده ماشفش التاني يشوف، محدش وقتها كان عارف الحكم بيراجع كرة مين ولكن في النهاية لم يحتسب اي شئ، الحكمين لم يحكموا أي مباراة الأهلي هل من الممكن أن يكون ده نهج لتجهيز الحكام".

وواصل:" تريزيجيه في أزمته كان عايز يطلع يتكلم عن أزمته لكن النادي رد، هو لاعب كبير قدم مباراة جيدة النهاردة استغلينا التفاهم بينه وبين تريزيجيه، وتحدثت مع وليد صلاح الدين على الكرة ولكن إشارته لم يكن مقصود بها الجماهير والنهاردة قدر يقول إنه يقدر يشيل مسؤولية الفريق".