أثار الإعلامي خالد طلعت استفزاز جماهير الزمالك حيث أكد إن الأهلي أفضل من الزمالك في كل شئ.

وقال خالد طلعت عبر موقع "فيسبوك":" المناظرات اللي بتتم بين شخص أهلاوي وشخص زملكاوي ، سواء كانوا صحفيين او اعلاميين او لاعبين سابقين ، دايما بينتصر فيها الطرف الأهلاوي بشكل كبير".

وأضاف:" الانتصار ده مش عشان الشخص الاهلاوي ده جامد او تقيل أو ذكي ومش عشان الشخص الزملكاوي ده ضعيف أو مش فاهم أو قليل الحيلة".

وتابع:" الانتصار ده عشان قوة النادي الأهلي وتفوقه على الزمالك في كل الأمور وده أمر واضح للجميع ولأي حد بيفهم وأي حد بينكر ده يبقى مش فاهم الأهلي أفضل تاريخيا والأهلي أكتر في البطولات والأهلي أكبر في الشعبية والجماهيرية والأهلي أكثر استقرارا وهدوءا ، والأهلي أكبر في عدد الأعضاء والأهلي أكتر في عدد الفروع ، والأهلي أعلى ماديا ، والأهلى أقوى نفوذ وسلطة والأهلي أكبر وأقوى ككيان ومنظومة والأهلي لاعيبته أفضل وأكثر التزاما وأكثر تمثيلا للمنتخبات المصرية على مدار التاريخ والأهلي إداراته أكثر ذكاءا وشطارة واخلاصا وهدوءا من إدارات الزمالك".

وأكمل:" الأهلي أفضل وأقوى من الزمالك في كل حاجة ، وعشان كده اي حد اهلاوي بيطلع مناظرة قدام حد زملكاوي بيتفوق عليه ، لأن الكلام معروف ومحفوظ وواضح ومتعاد كتير قبل كده ومش محتاج شطارة ولا ذكاء".

واختتم:" احنا لو عكسنا الموقف وخلينا الشخص الاهلاوي ده يساند الزمالك ويدافع عنه ، وخلينا الشخص الزملكاوي يساند الاهلي ويدافع عنه ، ساعتها هتلاقي الشخص الزملكاوي بيتفوق على الاهلاوي لأنه هيستفيد من قوة وتفوق الأهلي".