سيد معوض يهاجم أحمد فتوح

هاجم سيد معوض نجم الأهلي السابق أحمد فتوح لاعب الزمالك بعد تصرفه الأخير في حفل الساحل.

وخرج فتوح من معسكر الزمالك بدون إذن مؤخراً لحضور حفل في الساحل الشمالي.

وقرر جون إدوارد المدير الرياضي بالزمالك توقيع غرامة على اللاعب وتحويله للتحقيق.

وقال سيد معوض عبر برنامج "اللعيب" على قناة "إم بي سي مصر":" عندي مشكلة مع فتوح نفسه في الدماغ، ربنا مديك نعمة كبيرة جدا لازم نحافظ عليها، هو مُصر يضيعها ومُصر يفتري".

وتابع:" في كام باك ليفت في مصر هو لوحده، بقاله سنتين فين من وقت ما كان مع كارلوس كيروش في كأس الأمم كل أخباره مشاكل وحبس، هل شوفته في الملعب ؟!".

وأضاف:" لما يحصل موقف زي اللي حصل في الساحل وحد يتوفي رب أسرة، لازم تأخد بالك من نفسك شوية، الناس بتتكلم عن المعسكر، الراجل السنة اللي عدت معسكر إيه، الراجل عامل جناية السنة اللي عدت".

وأكمل:" لازم يهدي عشان ربنا يسترها عليه، لعيب دولي كل سنتين بيعمل ماتش ويرجع على المنتخب عشان مفيش حد غيره ولو في غيره كان مش هيرجع أصلا، والكورة مش بتقف على حد".