هاجم أحمد دويدار نجم الزمالك السابق ممدوح عباس رئيس النادي السابق عقب تصريحه عن أحمد فتوح لاعب الأبيض والذي أكد فيه تمسكه ببقاء اللاعب، مشددًا على قيمته الفنية والقيادية داخل الفريق.

وقال دويدار عبر موقع "فيسبوك":" رسالتي للأستاذ ممدوح عباس، حضرتك بتحب نادي الزمالك ووقفت كتير جنب النادي وليك كل الاحترام والتقدير دلوقتي في مدير رياضي شغال في صمت، كلامك على فتوح غير منطقي، حتى لو مشي وراح الأهلي، هنعمل إيه؟، النادي هيقفل؟.. الزمالك عشان ينجح الفترة القادمة؛ محتاج التزام وانضباط وشغل في صمت".

وأضاف:" الزمالك فوق أي لاعب غير ملتزم، كفاية طبطبة كدابة تضر الفريق ككل.. فتوح هيلتزم خير وبركة، مش هيلتزم يمشي فورا، مصلحة الفريق فوق كل شيء، كل الدعم لجون إدوارد في قراراته الصحيحة فقط، ولو في غلط؛ هنقول عليه، لكن أفضل بداية لنادي الزمالك بعد موسم 2014-2015".

واختتم دويدار:" الزمالك بطل الدوري والكأس الموسم القادم".