سيد عبد الحفيظ يتحدث عن أزمة عبد القادر مع الأهلي

الجمعة 18-07-2025

تحدث سيد عبد الحفيظ مدير الكرة السابق، بالنادي الأهلي عن رغبة أحمد عبد القادر نجم الأحمر في الرحيل عن صفوف الفريق هذا الصيف.

وقال عبد الحفيظ في تصريحات عبر قناة "إم بي سي مصر":" أحمد عبدالقادر يمتلك إمكانيات كبيرة جدًا ولاعب كويس ممكن فرصته في اللعب في الأهلي مش أحسن حاجه لكن هو لاعب كويس جدًا".

وأضاف:" لكن اللاعب لو اختار طريق غير طريقي لا يضرني كنادي ممكن تحصل هزة شوية لكن برجع بسرعة".

وتابع:" أي لاعب يختار طريق غير طريقي أو صفحة أو كتاب غير كتابي يلا بالسلامة، لو أنا اللي متجاهل اللاعب يبقى هندم عليه ليه".

وواصل:" لو لاعب كويس مثل حمدي فتحي اختار بيراميدز عمري ما هغير رأيي فيه كلاعب كرة".

وأكمل:" علشان كده بقول للمرة المليار خد حقوق النادي واللي عايز يمشي بالسلامة".

واختتم:" بيراميدز منافس قوي جدًا لكن لا يخوف الأهلي، والأندية الجماهيرية هي اللي بتصنع الفارق".