هاجم طارق يحيى نجم الزمالك السابق وسام أبو علي نجم الأهلي بسبب ضغطه على الإدارة للرحيل هذا الصيف.

وتلقى النجم الفلسطيني عروضاً كثيرة من أندية خليجية وأوروبية ترغب في التعاقد معه.

وقال طارق يحيى عبر قناة "إم بي سي مصر":" بالنسبة لقصة وسام أي لاعب من حقه يختار مستقبله والمكان اللي هيروحه ومن حق الأهلي برضه يعمل اللي هو عايزه".

وتابع:" أصل فكرة لاعب يضغط على نادي دي جديدة خالص في مصر تحديدًا، ومفيش لاعب يقدر يعمل كدا مع نادي إداراته قوية، غير كدا اللاعب يعمل اللي هو عايزه".

وأضاف:" مش عايزين نقول إن الأهلي له خير على وسام وهو اللى عمله، خاصة أنه بقا نجم كبير حاليا وعنده شعبية، بس لازم اللاعب يحترم قرارات النادي، ويجيب الرقم اللي ناديه طالبه وبعدين يمشي، معرفش يبقي خلاص هو ملزم يكمل".

وأكمل:" الزمالك جاله من سنة ونص في زيزو 6 مليون ورفض، يعني حتي لو المبلغ والعرض اللي وصل الأهلي مش قليل، بس ممكن الإدارة تبقي مش عايز تسيبه لأنهم تعبوا معه جدا والمدربين اشتغلوا عليه في البداية وتعبوا معاه، وزملائه ساعدوه وبالتالي القصة لازم يكون فيها مرونة وخُد وهات، الطرفين كبار واللاعب دلوقتي بقا له انياب لذلك الوصول لحل وسط محتاج حرفنة".