أكد أسامة حسن نجم الزمالك السابق أنه لن يشجع الأهلي في مونديال الأندية.

وتنطلق فجر الأحد منافسات بطولة كأس العالم للأندية عندما يواجه الأهلي نظيره إنتر ميامي في الجولة الأولى من البطولة.

وقال أسامة حسن في فيديو عبر حسابه الرسمي على موقع "فيسبوك":" ماتش النهاردة سهل جدا فريق ميامي كله عواجيز، وميسي غير دلوقتي بقا اسم بس، ودا اللي بقوله لنادي الزمالك المفروض ميكونش في عاطفة".

وتابع:" الأهلي سهل يكسب ولو مكسبش يبقي مشكلة، وبالنسبالي أنا عمري ما أشجع الأهلي ولا أحب الأهلي، والأهلي عنده جمهوره ورموزه اللي المفروض يشجعوه".

وأضاف:" مطلوب مني أشجع الزمالك أحنا عندنا كوارث في النادي، أنا مالي ومال الأهلي أنا مجبتش مدرب ولا مدير رياضي والناس نايمة في العسل فأنا النهاردة طالع أتكلم عن المظلومة والعاطفة اللي لازم جمهور الزمالك يمحيها من دماغه".

وواصل:" أحنا الفرق بينا وبين المنافس كوارث أصبح بينا ربع قرن تقريبا، عشان كل مجلس إدارة يجي برجالته ويقولك مظلومية دا سرقوا منا لاعب، طيب ما أنت لما كنت معاك قوة مالية خدت عبدالله السعيد عادي جدا، احنا لا شوفنا تجديد عقود ولا شوفنا لعيبة ولا مدرب ولا مدير فني ولا خطط ولا أي حاجة، أنا بنهج من كتر مشاكل الزمالك".