رضا عبد العال يحذر زيزو بعد انضمامه للأهلي

الجمعة 13-06-2025

وجه رضا عبد العال نجم الزمالك السابق تحذيراً لأحمد سيد زيزو بعد انضمامه للأهلي قادماً من الزمالك.

وقال رضا عبد العال في تصريحات عبر قناة "الشمس": "انتقال زيزو للأهلي؟ ربنا يباركله (في الفلوس)، لكن كلاعب كرة عمره ما هيوصل للي كان فيه في الزمالك".

وأضاف: "كانوا دايما يقولوهالي: أنت في الأهلي غير في الزمالك، في الزمالك الكل بيخدِّم عليه، لكن في الأهلي، فيه تريزيجيه وإمام عاشور ووسام أبو علي، فهو هيلوص في الحتة دي، ومش هياخد اللي كان فيه في الزمالك".

وأكمل:" هو حسبها فلوس مش كورة، مع إن الكورة هتخليه أسطورة مش الفلوس، وهناك في الأهلي مفيش يامَّا ارحميني".

وأكد:" لكن في الزمالك كان بقاله سنة وِحِش، والزمالك مستحمله، ودخلوا في مشاكل عشانه، والفلوس اللي أخدها رزق".