هاجم أحمد شوبير نجم الأهلي السابق محمد عواد حارس مرمى الزمالك بعد ما بدر منه في مباراة سيراميكا كليوباترا الماضية التي انتهت بالتعادل 2-2.

وقال شوبير في تصريحات إذاعية:" الزمالك بيحول يلملم في أوراقه وده مهم جدا عشان أنتوا عارفين كل ما يطلع من حفرة يقع في دحديرة، وأسمحوا لي أوجه رسالة للحارس محمد عواد بوصفي حارس مرمى سابق، وأنا أعرف عواد كويس جدا من زمان".

وأوضح:" عايز أقول لعواد إن الزمالك تولى تدربيه مدرب جديد الكابتن أيمن الرمادي، وهو وجهة نظره كانت إن محمد صبحي يلعب أساسي، فمحمد عواد زعل وده طبيعي عشان كان الحارس الأساسي في الفترة اللي فاتت، وأي لاعب أساسي بيقعد احتياطي بيزعل جدا، لكن للزعل ده حدود طالما قعدت احتياطي تكون على أهبة الاستعداد للمشاركة في أي وقت".

وتابع شوبير:" في المباراة اللي فاتت اتصاب محمد عواد مبكرا، ونزل محمد صبحي أنت بقه يا عواد مش عاجبك تقعد احتياطي ومش عاجبك مدربك عماد المندوه وأديت ظهرك للمدرب وهو بيسخنك ولم تستمع للتعليمات، ده مينفعش، ومينفعش أعبر عن ضيقي وغضبي قدام الناس بالشكل ده".