شوبير يعلق على أنباء ضم الأهلي لمحمد بن رمضان

أكد الإعلامي أحمد شوبير أن حالة الشغف التي كانت موجودة العام الماضي بسبب أنباء ضم الأهلي لمحمد بن رمضان لم تعد موجودة عند الجماهير.

وقال شوبير في تصريحات إذاعية:" موضوع محمد بن رمضان كل المؤشرات بتقول إنه مضى في الأهلي والسنة اللي فاتت كانت كل الصفحات تقول لك محمد بن رمضان، والدنيا مقلوبة والجماهير في كل حتة بتسأل، المرة دي الناس بتقول وقع للأهلي بس مفيش حتة الحماس والشغف اللي كانت موجودة السنة اللي فاتت، مع الوضع في الاعتبار طبعا إن جمهور الأهلي زعلان".

وأضاف:" عندي وجهة نظر هنا مهمة وهى إن الصفقات طبقا للاحتياجات مش بالشعارات مين في الدنيا يقدر يكلم على جراديشار أو أشرف بن شرقي أو تريزيجيه أو لما الزمالك جاب عبدالله السعيد لاعيب ممتاز وأفاد فريقه طبعا".

واختتم شوبير:" أنا شايف إن المهم لأي فريق شوف احتياجاتك أيه غير إن الأهلي جاي له مدرب أجنبي جديد خلال أيام وهيكون له وجهة نظر في اللاعبين والاحتياجات".