علق سيد عبد الحفيظ نجم الأهلي السابق على توديع الأحمر لمنافسات دوري أبطال أفريقيا.

وتأهل صنداونز على حساب الأهلي لنهائي دوري الأبطال بعد تعادل الفريقين أمس الجمعة بنتيجة 1-1 في إياب نصف النهائي.

وقال سيد عبد الحفيظ عبر قناة "أون سبورت":" خروج الأهلي مهين شوية، مش عشان النتيجة لأنه وارد في الكورة، ولكن كان ممكن تحقق رقم قياسي في الوصول لنهائي دوري أبطال أفريقيا للمرة السادسة على التوالي دي محصلتش أبدًا قبل كدة".

وأضاف:" مباراة صن داونز والخروج ده بيقلبلك نور بخصوص كولر، الأهلي لعب مع كولر 3 مرات قدام الزمالك كلهم تعادل، وبيراميدز مرتين تعادل، وصن داونز 6 مرات محصلش أن الأهلي كسب مع كولر".

وأكمل:" صن داونز تاني مرة في حياته يطلعك من الأدوار الإقصائية، ولكنه النهاردة يستحق تخطي الأهلي، وانت ساعدته على كدة، غياب هوية البطل والشراسة للاعبي الأهلي".

وأردف:" صن داونز مش في أحسن نسخة ليهم، ولكن بالصدفة كل المرات اللي وصل فيها للنهائي كانت مع فرق مصرية".

واختتم:" كان عندنا أمل كبير أوي في الوصول للنهائي، ولكن هي دي كرة القدم، والراجل كولر عنده حاجات كتير أوي يجب الوقوف عندها".