علق محمد سمير قائد نادي زد على أنباء رحيل أحمد سيد زيزو نجم الزمالك للأهلي.

وقال محمد سمير عبر موقع "فيسبوك":" علاقة زيزو بالزمالك زي علاقه الزوج بزوجته علاقة كلها حب واحترام ومشاعر متبادلة وفياضة وبناء بيت مع بعض وعشرة وسنين وأحلام وثقة وفجأه تنام وتصحى تتفاجأ أنها بتكلم صاحبك".

وتابع:"أنا قاصد أقول صاحبك مش حد غريب علشان وجعك من صاحبك هيبقي أصعب بكتير من وجعك لو حد غريب زي إحساس الزملكاوي دلوقتي أن زيزو لو راح أي مكان غير الأهلي هيزعل بس لما بروح الأهلي فدي قهرة كبيرة".

وأضاف:" محدش يزعل من أي رد فعل للزملكاوية حقهم وطبيعي الوجع والإحساس صعب جدًا بدون تجريح وخوض في أعراض اكيد وهيبقي نادي الزمالك نادي كبير أكيد وقادر على تخطي المرحلة".

وأتم تصريحاته:" مبروك على زيزو النادي الأهلي إضافة كبيره بلا شك ومكاسبها كتير مش فنيًا بس وبرافو النادي الاهلي شغل في ملفات صعبه بحرفيه وصفقات مهمه هتساعد النادي في المعتركات القادمة".