أشاد رضا عبد العال نجم الكرة المصرية السابق بخوان ألفينا نجم الزمالك بسبب أدائه في مباراة مودرن سبورت.

وفاز الزمالك على مودرن سبورت بنتيجة 2-1 في مباراة أقيمت أمس الخميس ضمن الجولة الثالثة من الدوري المصري الممتاز.

وقال رضا عبد العال عبر قناة "تن":" ألفينا هيكهرب الدنيا طوال الموسم في الدوري، لعيب الكورة يخطف قلبك من أول لمسة، لمسته هي اللي أجبرتك تقول هينسي جمهور الزمالك زيزو".

وأضاف:" ألفينا أثبت المقولة دي سجل وصنع في مباراة مودرن سبورت، لازم ياخد نجم المباراة، ومحمد صبحي اللي يستحق رجل المباراة بعده لإن أنقذ الزمالك من هدفين محققين".

وتابع:" الزمالك لازم يعدل من بعض اللاعبين وخاصة في وسط الملعب، التغييرات كلها النهاردة غير مفيدة، كلها سمك لبن تمر هندي".

وأكمل:" كان لازم يصبر على أصحاب المراكز الهجومية أكتر من كدة وميبدلهومش في وقت مبكر، ألفينا لازم ياخد أكتر من كدة عشان يوصل للمستوى البدني المطلوب، وعدي الدباغ لازم يلعب أطول وقت ممكن لحد ميهدف".

وأتم رضا عبد العال:" الـ3 مباريات خلت الرؤية واضحة، وأنا في رأيي لازم عبدالله السعيد ميبدأش، ويكون بديل وينزل الشوط الثاني أنا مش هجامل حد، ولكن الضريبة هيكون حسابها البطئ.