هاجم أشرف قاسم نجم الزمالك السابق مجلس إدارة القلعة البيضاء برئاسة حسين لبيب بسبب المشاكل التي يواجهها النادي في الفترة الأخيرة.

وقال أشرف قاسم عبر قناة "أون سبورت":" مش عايز أقول في فشل إداري في الزمالك، ولكن مفيش إدارة بتدير بشكل فيه تخطيط ووضع حسابات لما سيحدث بعد شهر أو سنة".

وأضاف:" لما الزمالك قال إنه هيمشي فيريرا، هل كانوا مجهزين المدير الفني اللي هيمسك بعده؟ ومشيت أيمن الرمادي ليه، اعتقد إنه نجح في الشهر اللي مسك فيه الفريق وحقق بطولة كأس مصر".

وتابع:" أنا مقولتش رأيي لـ مجلس إدارة الزمالك، لإني مش هقدر أعمل كدة طالما متطلبش رأيي من الأساس، كلنا شايفين الوضع نفسه".

وأكمل:" مجلس إدارة الزمالك مسك وهو عارف المشاكل المادية اللي في النادي، السؤال هنا ليه جبت اللعيبة بالمبالغ الكبيرة دي؟، كل اللعيبة دول مفهومش غير محمد إسماعيل وخوان بيزيرا".

وأتم تصريحاته:" بقى في عدم ثقة كبيرة بين جماهير الزمالك ومجلس الإدارة، وده بسبب التخبط اللي حاصل في الفريق وعدم استقرار النادي مؤخرًا، وده يرجع لعدم التخطيط".